KIJAN POU OU BYEN CHWAZI MOUN POU MARYE A (FAMILLE)

KIJAN POU OU BYEN CHWAZI MOUN POU MARYE A (FAMILLE)

Chwazi moun pou marye se pa yon jwèt, men yon desizyon sakre. Lanmou souvan avèg, men lè zye li finalman louvri, se souvan apre maryaj - lè sa, li deja twò ta. Nan yon mond kote anpil maryaj ap echwe, liv sa a se yon gid pratik ak espirityèl ki ede w fè bon chwa a ak zye w gran louvri. Ou pral aprann kijan pou bati avni w sou wòch solid olye de sab mouvan, pandan w ap chèche volonte pafè Bondye pou lavi ou. Anndan liv la, w ap dekouvri: Kat (4) kesyon esansyèl pou reflechi anvan ou antre nan yon relasyon serye; - Twa (3) nivo volonte Bondye: sa ki bon, agreyab ak pafè; - Kritè pratik pou evalye karaktè yon moun, baze sou istwa pwofon Izaak ak Rebeka nan Jenèz 24; - Kijan pou w rekonèt “drapo wouj” yo ak move rezon ki mennen nan dezilizyon; - Yon gid etap pa etap pou jere fiyansay la epi prepare yon maryaj ki onore Bondye. Roldy Telasco sèvi ak Pawòl Bondye, ekzanp lavi reyèl, ak bonjan analiz sikolojik pou gide w tankou yon GPS espirityèl. Liv sa a ap ba w zouti pou fè chwa ou avèk sajès, lapriyè ak matirite, pou w ka viv yon lanmou ki reyèl, ki sen, e ki dire tout lavi.